গ্ৰীক ট্ৰেজেডি আৰু ডায়নিছাছ

 

গ্রীক ট্রেজেডি আৰু ডায়নিছাছ

Tragedy ৰ সূচনা হয় গ্ৰীচত। গ্রীক দেবতা ডায়নিছাছৰ কৰুণ কাহিনীক অৱলম্বন কৰি যি নাট ৰচনা আৰু উপস্থাপন কৰা হৈছিল সেয়ে হ'ল গ্রীক ট্রেজেডি। এই ট্রেজেডিৰ লগত জড়িত হৈ আছে ডায়নিছাছ নামৰ দেৱতাৰ পূজা। এই উৎসৱৰ আনুষ্ঠানিকতা অনুসৰি প্রথমে দেৱতাজনক উদ্দেশ্যি আয়োজিত কোনো বিশেষ অনুষ্ঠানত ভক্তসকলে কৰুণ গীত গাই তেওঁক শ্রদ্ধা নিবেদন কৰিছিল। এই গীতবোৰক কোৱা হৈছিল ছাগ গীত। ক্রমে এই গীতবোৰক নাটকীয় ৰূপ দিয়াত সিয়ে ট্রেজেডি নামেৰে অভিহিত হ'ল। এটা মত অনুসৰি এই ছাগ গীতৰ ছাগ অৰ্থত ব্যবহৃত 'Tragas' শব্দৰ পৰা Tragedyৰ উদ্ভৱ হ'ল।

    আনহাতে গ্রীক দার্শনিক আৰু সমালোচক এৰিষ্ট'টলৰ মতে ছাটী জাতীয় নাটৰ অভিনয়ত চৰিত্ৰবোৰে ছাগলীৰ ছাল পৰিধান কৰি অভিনয় কৰিছিল। সেই অনুসাৰে নাটসমূহ Tragedy নামেৰে জনাজাত হ'ল। আন কিছুমানে অনুমান কৰে ডায়নিছাছক ভক্তসকলে কল্পনা কৰিছিল ছাগলীৰ ৰূপত। এইবোৰৰ উপৰিও ট্রেজেডিৰ উৎপত্তি সম্বন্ধে গ্ৰীচত নানা অভিমত পোৱা যায়। এই অভিমতবোৰ যিয়েই নহওক ডায়নিছাছ দেৱতাৰ উদ্দেশ্যে গোৱা প্রশস্তি গীতৰ পৰাই যে tragedy ৰ উৎপত্তি হৈছে তাক স্বীকাৰ কৰিব পাৰি। এই গীতবোৰক নাটকীয় ৰূপ দিয়াত যিজন লোকে প্রথমে বিশেষভাবে সহায় কৰিছিল সেইজন হ'ল থেচপিচ নামৰ এজন প্রখ্যাত অভিনেতা। থেচপিচৰ পাছত নাট্যকাৰ এস্কিলাচৰ হাতত গ্ৰীক ট্রেজেডিয়ে এক নতুন ৰূপ পায় আৰু প্ৰকৃততে তেওঁৰ সময়ৰ পৰাহে গ্ৰীক ট্ৰেজেডিৰ ইতিহাস আৰম্ভ হয় ।

 (৩০ অক্টোবৰ ২০০৬/ সোমবাৰ, নিশা ১১ বজাত)

*******